12月15日
心情告白
Leon的演唱會一向都是只編排唱歌，沒有對白稿，講話只是隨意所至，自99年演唱會尾場宣佈不領獎後，大家看見Leon企定一本正經講話，都難免有點兒緊張。這夜，Leon在唱「你很愛我」的一節，加插了一段由多首他執導的MV片段組成的片段，在球形「芒」播放，上台後，開始講話...
網主及幾個helper窮一晚之力，終於整理出來，如次序有錯、或錯漏，請諒。
括弧內是網主的附註。
... 好多人問我、你係唔係想轉做幕後？唔係。係唔係想做第二o的野？唔係。係唔係唔宖(拿)獎？唔係。你想宖獎？唔係。
好多人都會用好多形容詞去形容佢想形容的人，有時係你地，有時係我，我被人形容的時候、你地會睇到，你地被人形容的時候， 你地聽到我聽唔到。因為我的工作係藝人，所以我有必要去平衡自己唔去理會。但係每個人都有理想，點解每當Leon的理想踏出第一步的時候，永遠都被人有好多猜測，想將我轉移去佢想我行的路，或者打倒褪(廣東話、意即退後)，但係黎明永遠有自己的方向。上一次演唱會，我講過唔宖獎，(大家不自覺地大氣不敢透一口)，原因好簡單，我想減輕縛在我身上不必要的重量，我希望我可以行多幾步，做些可以令你地開心的事，令自己工作上有滿足感。有些人用一些新聞性o既野話我，包括用好多女明星o既名，又話黎明無心事業，又關咩舒淇事、又關咩李嘉欣，又乜野乜野(廣東話：甚麼甚麼的)，男人只會被一樣野綁住，就係事業，女人係綁唔倒o既，容許我講一句，唔係話男女平等，呢個係事實，女人有女人的工作，男人有男人的工作，男人的事業心係女人唔會明o既。
不論人地點樣形容我，有緣的你地今日可以見証，可以聽倒我聲音，親歷其境，我話比你聽，外面有o的人... (綠閘傳來一把男聲大叫：舒淇) 唔好亂嗌，唔係我就會懷疑你係某雜誌派o黎o既。我體諒o既，傳媒都要不停運作，我地用開心一面去睇，就好似黎明拍MTV，我嘗試去拍o的野，其實每個都識拍野，只在乎有無機會比人睇到，我好慶幸有機會拍我想拍o既MTV，因為我可以由做音樂開始，不停咁想出個畫面，加上後期工作，送比所有喜愛我o既音樂o既朋友，或者佢只係搵一日o既娛樂，開心就得叻。
每個人都有純真一面，但係我會用行動話比你地聽，我地o既唱片係好認真，就算有人買倒或者冇人買倒，我到老o個日，都會覺得呢個係我o既美好回憶，我做每一樣野都係好認真，用我o既行動証明我係好認真，做比喜歡o既人睇...